Valladolid, Zaragoza eta Gasteizko nafar etxeek ateak ireki dituzte “Euskal Pilota Jokoak Nafarroako Kultur Ondare gisa” hitzaldiarekin
30/05/2023
Maiatzaren 6an, “Euskal Pilota Jokoak Nafarroako Kultur Ondare gisa” solasaldia ospatu zen Valladolideko Nafar Kultur Etxean. Lehen topaketa horren ondoren, maiatzean, Nafarroaren mugakide diren bi erkidego zeharkatu genituen. Zentzu honetan, maiatzaren 19an Gasteizko San Francisco Javier Nafar Etxea bisitatu genuen. Eta astebete geroago, maiatzaren 26an, gauza bera egin genuen Zaragozako Nafarroako Etxean.
Fernando Bidegáin (Iruñea, 1947), euskal pilotari ohia eta Nafarroako Pilota Jokoen Kultura Elkarteko (NAPIKE) lehendakariordea, izan zen “Euskal Pilota Jokoak Nafarroako Kultur Ondare gisa” izeneko hitzaldiaren bidez bira honen historiari ahotsa eman ziona. Era berean, Harreman Hiritarrak, topaketen antolatzailea, Kanpo Ekintzetarako Zuzendaritza Nagusiaren bitartez presente egon zen. Ekainean, halaber, Fernandoren hitzaldiaz gozatu ahal izango da Barakaldon edo Madrilen. Bi ekitaldi horien ondoren, birari udazkenean ekingo zaio berriro, udako hilabeteak tartean utzita.
Hitzaldi horretan, Bidegainek diziplina horri buruzko datu bitxiak emanten ditu. Besteak beste, kirol horri buruzko munduko liburutegirik handienetako bat du, eta frontoia berreskuratzeko egindako ahalegina azaltzen du, «Frontoietako Kapera Sixtinoa» edo «Pilotaren Vatikanoa» (Chamberí, Madrid) izendatu dituenak.
Halaber, pilota jolasa egiteko erabiltzen den material tipikoaren lagin bat ere erakusten da. Lagin hori Nafarroako Euskal Pilota Federazioarekin, Noaingo Jai Alai zesta-puntako eskolarekin eta Remonte Fundazioarekin elkarlanean utzi da.
Kultur ekitaldi honetara hurbildu diren herritarren harrera ona izan da eta urte hasieratik 270 pertsona baino gehiago bertaratu dira.