Nafar Haziak. Argentinarekin 10.000 kilómetro lotzen dituen kultura bat” dokumentalaren estreinaldia

Atzo, urriaren 19an,  Iruñeko Golem Baiona zinemak “Nafar Haziak. Argentinarekin 10.000 kilometro lotzen dituen kultura bat” dokumentalaren estreinaldia hartu zuten. Argentinan filmatuta eta  Ortzadar Euskal Folklore Elkarteak ekoiztuta, Nafarroako Gobernuarekin eta Argentinako nafar zentroekin elkarlanean egin da.

Bidaia bat. Dantzari talde oso bat. Fanfarrea. Argentinako lau Nafar Etxe. Kultura, musika
eta dantza ugari. Nafar Haziak filma Ortzadar Euskal Folklore Elkarteak 2022an Argentinara
egindako Nafarroako kultura zabaltzeko eta sustatzeko bidaiaren testuinguruan grabatu zen
eta kultura-truke honen bidez sortzen diren lotura eta harreman bereziak erakutsi nahi ditu

SINOPSI LABURRA
Ortzadar Euskal Folklore Elkarteak Argentinara bidaiatzen du Nafarroako kultura zabaltzeko. Buenos Aires, Rosario, Bolivar eta Mendozan dauden lau Nafar Etxeetara egindako bisitan dantza, musika eta gastronomia tailerrak ematen dituzte, baita hitzaldiak eta dantza emanaldiak ere. Bidaia honek argentinarren eta nafarren arteko loturak sendotzen ditu, esperientziak partekatzen dituzte, ikasten dute eta batez ere dantzatzen dira. Distantzia bada ere, Argentina eta Nafarroaren arteko atxikimendu emozionala bistakoa da. Izan ere, posible al da urruneko kultura bat besarkatzea eta zure egitea? Dokumental honek galdera honi erantzuna bilatuko dio.

ORTZADAR EUSKAL FOLKLORE ELKARTEA
Iruñean 1974an sortutako kultura-elkartea da, eta euskal folklorea eta kultura tradizionala
aztertzea, ikertzea eta zabaltzea du helburu. Urteetan zehar, Ortzadar askotan joan da Argentinara, Nafarroako Gobernuaren eskutik, Nafarroako kultura sustatzeko hainbat ikastaro, hitzaldi eta jarduera egiten, batez ere Rosario, Mendoza, Bolivar, Buenos Aires eta Mar de Platako zentroetan (azken hau gaur egun desagertuta dago). Mota horretako azken bidaia 2018ko otsailean egin zen. Orduan, 4
dantzari eta Ortzadarren musikari bat Rosariora joan ziren urte horretako Nafarroako dantza
eta musika ikastaroa egitera, eta Argentinako Nafar Etxeetako kideekin egon ziren. 2018ko otsaileko topaketaren ondorioz, taldeko zenbait kidek 5 hilabeteko bidaia bat egin zuten Argentina osoan, 2018ko amaieratik 2019ko hasierara, Nafarroako eta Euskal Etxeekin lankidetza estuan, eskolak eta hitzaldiak emanez eta horien hainbat jardueratan parte hartuz. Azken bidaia horretan sortu zen Argentinara dantzari-talde oso batekin bidaiatzeko ideia, fanfarrearekin batera; orain arte ez da halakorik egin.

Dokumentalaren trailera https://www.youtube.com/watch?v=kFlSt8NvEp8

Dokumental osoa  laster ikusi ahal izango da.