Marin ahizpen agentzia funtsezkoa izan zen Bigarren Mundu Gerraren ostean nafar artzainek Estatu Batuetara egin zuten emigrazioan

Bigarren Mundu Gerraren ondoren, Kaliforniak garapen ekonomiko handia izan zuen, eta, aldi berean, nekazaritzako langile askok hirietara jo zuten; prozesu horrek produktuen eskaria handitu zuen, besteak beste, ardi-sektorearen produktuena. Egoera horrek dei egin zien berriro Nafarroako eta Euskadiko langileei, artzaintzan aritzeko.

Hiru enpresak, batez ere, kudeatzen zituzten nafar artzainen txartelak, izapikeak eta bidaiak egiteko gainerako paperak, baina, ezbairik gabe, Ana Maria eta Maria Jose Marin ahizpek Iruñean eta Elizondon zuten bidaia-agentzia  nabarmentzen da, lurralde honen eta kontinente amerikarraren arteko benetako bisagra izan baitzen. Horren bidez, AEBetako artzain-eskaria iristen zen, eta kontratazioa eta familien arteko lotura eta komunikatzeko modua ere izan ziren. Marin ahizpek AEBetako nafar artzain gehienen ardura zuten, oro har.

Hasiera batean, hiru urteko kontratuak ziren; hiru urteak igaro ondoren, beren lurraldera itzultzen ziren denboraldi batez, baina asko AEBetara itzultzen ziren. Txartelak etxe batek urtebetean lor zezakeen bezainbeste balio lezake, eta familiek ahalegin handiak egin behar zituzten ordaintzeko. Mailegu bat, edo gehiago, eskatu behar izanez gero, emigratzen zuen seme-alabaren laguntza ekonomiko jasoko zutelako konfiantza zuten.